A tradizión:
A tronca de Nabidá ye una tradizión aragonesa muito antiga. Yera a toza más gran d'a leñera, alzato esprés t'ista fiesta. Gosaba estar buedo u con bella radera t'alzar en a suya corada u arredol os presens que se i repartiban en a Nuei Buena.
Cuan se ficaba en o fogar yeran os ninos os encargaus de fer soltar a carga a base de trucazos repetius, que chunto a las frases, bendizions, rituals e as purnas que con cada trucazo saliban d'o fuego, yeran a calor familiar e maxica d'una fiesta ancestral como la d'o solsticio d´ibierno.
A zelebrazión d'a Tronca:
Troba una toza xuta. En a Nuei Buena la pones en o fuego o si no entiens fogar, adorna-lo bien en o puesto de l'arbol de Nabidá. Antis, amaga en os cados e raderas d'a tronca nuezes, almendras, mandarinas, carambels e lamins u mensaches que indiquen an se i troban os presens que no i cullen aintro.
Con un porron u solamen que con os ditos mullatos de bin fe bendezir a tronca con una formula como ista.
Tronca de Nabidá yo te bendizco
en o nombre d'o Pai, d'o Fillo,
e d'o Esprito Santo, Amén.
Se debanta o porrón e se diz, fendo cruzes:
Bebe tizón bebe porrón, tu por a boca e yo por o garganchón.
Con un tocho, se truca a tronca mientres que se rezan os deseyos de prosperidá ta la Casa como istos:
Güen tizón, güen barón
güena casa, güena brasa
Dios mantenga a l'amo
e a la dueña d'ista casa.
Debán a imposibilidá de trobar en o rete una canta nabidenca aragonesa, cualcuna i ha manimenos a suya calidá no ye muito güena, asinas cosas ne i dixo-bos con ista que no ye cosa "tradizional".
No cal dizir que o mío aragonés ye encara prou primitibo e cualcuna correzión ye biemplegata.
No hay comentarios:
Publicar un comentario